جۆرجیا.. ب تەمەنترین مرۆڤ 

کەنالەکا تەلەفزیۆنی ل جۆرجیا پیرترین مرۆڤێ جیهانی نیشاندا کە یاریا تەختە دکەت و ڤۆدکایێ ڤەدخۆت.

کەنالا روستاڤی 2، وێنەیێن ئانیتساخڤیچاڤا نیشاندا و راگەهاند ئەڤ ئافرەتە لگۆر دیکۆمێنتێن ئاژانسا تۆمارکرنا سڤیل ل سالا 1880 ژ دایک بوییە.

ئەڤ پیرەژنە دگەل کورەکێ خوە و نەڤی و هژمارەکا زێدەیا نەڤ چرێکێن خوە ل گوندەکێ دوورە دەست ل چیایێن قەوقازێ دژیت کو 270 کیلۆمەتران ل تبلیسا پایتەخت دوورە.

نەڤیەکی پیرەژنێ خویاکر داپیرا ڤی 130 سال تەمەن هەیە کو 11 نەڤی هەنە.

هەروەها بەرپەرسەکێ ئاژانسا تۆمارکرنا سڤیل خویاکر لگۆر بەلگە و دیکۆمێنتێن وان، ئەڤ پیرەژنە ب تەمەنترین مرۆڤێ جیهانێ یە.

لگۆر ئاژانسا ئاسۆشەیتد پرێس تا نها ب تەمەنترین مرۆڤێ جیهانێ وەلاتیەکێ ژاپۆنێ یە کو 114 سال تەمەن هەیە.

لێ کەنالێ سێ ئێن ئێن تورک، وێنەیێ پیرمێرەکێ نیشاندا کو 125 سال تەمەن هەیە و سێ خەلیفەیێن عوسمانی، 11 سەرۆک کۆمار و 60 حکومەتێن تورکیا دیتیە.

نوری ئۆزتونج کوردەکێ دەڤەرا بەیتولشەبابا پارێزگەها شرناحێ یە کو 25 ساڵان بەری نها دگەل چەندێن خێزانێن دن کۆچبەری ئانتالیا بوویە و نوری هەشت زارۆک و 150 نەڤی و 20 نەڤیچرک هەیە و تەنێ زمانێ کوردی دزانیت.

	ئه‌م بابه‌ته‌ پرینت بکه‌‌‌
	ئه‌م بابه‌ته‌‌‌ بکه‌ به‌ فاڤوریت
	بگه‌ڕێوه‌