باراک ئۆباما.. درێژکرنا رەوشا ئاوارتە لە بەرامبەر ئیرانێ

ztv.. باراک ئۆباما، سەرۆکێ ویلایەتێن یەکگرتیێن ئەمریکا بریارەکا سەرۆکاتیا ئەمریکا یا سالا 1995 ل بەرامبەر ئیرانێ بۆ دەمەمێ سالەکا دن درێژکر.

لگۆر ڤێ بریارێ، رەوشا ئاوارتە ناڤبەرا ئەمریکا و ئیرانی بەردەوام دبیت و سزایێن ئەمریکا بسەر ئیرانێ بۆ دەمەکێ سالەکێ هاتە درێژکرن.

ئۆباما د بەیانەکێ دە خویاکر هێشتا هەرەشەیێن نائاسایێن سەرچاوەگرتی ژ کریار و سیاسەتێن ئیرانێ دژی ئاسایشا نشتیمانی، سیاسەتا دەرڤە و ئابووریا ئەمریکا بەردەوامە، لەوما رەوشا ئاوارەتە ناڤبەرا هەردو وەلاتان و سزایێ واشنتۆنێ بسەر تەهرانێ بۆ دەمێ سالەکێ دهێ درێژکرن.

بیل کلینتۆن ل 15 ئادارا 1995 بریارا راگەهاندنا رەوشا ئاوارەتە ناڤبەرا ئەمریکا و ئیران دەرکربوو، بۆ پێشیگرتن ب پەرەپێدانا کێلگەهەکا نەفتا ئیرانێ کو ب بهایێ یەک ملیار دۆلاران ژ ئالیێ کۆمپانیایا کۆنۆکۆیا ئەمریکا هاتبوو ئیمزاکرن.

لگۆر بریارا سالا 1995، کۆمارا ئیسلامیا ئیرانی ب پشتیڤانیا کرنا تەرۆرێ، لاوازکرنا ئاشتیا رۆژهەلاتا ناڤین و هەولدان بۆ بدەست ئانینا چەکێن ئەتۆمی هاتبوو تۆمەتبار کرن.

ب گوتنا کلینتۆن، پەرەپێدانا کێلگەهێن نەفتا ئیران دبیتە سەدەمێ بدەست ئانینا دراڤ بۆ بەردەوامبوون لسەر سیاسیەتێن دژی ئەمریکا و ئاسایشا دەڤەر و جیهانێ.

	ئه‌م بابه‌ته‌ پرینت بکه‌‌‌
	ئه‌م بابه‌ته‌‌‌ بکه‌ به‌ فاڤوریت
	بگه‌ڕێوه‌